لک لکی لک لک دۏغار
میخکی  میخک دۏغار
 کیشی  ائششک اولاندا
آروادی ائششک دۏغار

لاپ محو ائدر طاقتی

اصلا یوخدور حکمتی

نیفرت آغیر بیر یوک دور

داشیمایین نیفرتی

سَن گلینجه تالانیر
زامان آغیر دولانیر
باخیشلارین اوستونه
باخیشلاریم جالانیر

بو سؤزو دیله سالیب
شاعیر شکسپیردن آلیب
شیطانلار یئر اوزونده
جهنّم بوم بوش قالیب

گؤیدن یاغان یاغیشدیر

پاییزین آردی قیشدیر

قیزلارا گؤز ائیله مه
آی قوجا پیس ایشدیر!

کیشی  ایشدن یورولماز
پاییزده یارپاق سولماز

یوک داشیماق راحت دیر
دردی داشیماق اولماز

دونیادان آش ولاش گئت

بَربَری گل لاواش گئت!

اوغورلوغا گئدنده

دامدان یاواش یاواش گئت!!

الی بوش یئر آلمادی

الینده یئر آلمادی

تاپشیردیلار توپراغا

کاسیبی یئر آلمادی 

شعله سیز چای اولارمی؟

یارسیز سارای اولارمی؟

ایرانلی اوغرولارا

دونیادا تای اولارمی

دی هانسی یوللاردادیر؟

دوماندادیر؟ قاردادیر؟

کونلوم ناغیل ایسته ییر

قاری ننه هاردادیر ؟