بیر اتک گول دَرمیشه م
دریب یئله وئرمیشه م
سن سیز یاش حسرتیمى
گؤزلریمه سَرمیشه 

قزوینیم،آی قزوینیم!

سن جیگریم،سن دینینم !

آیاق داشین مَثل دیر!

پسته لرین گؤزل دیر !

ایستکلی دیرباغلارین

ویقارلی دیرداغلارین !

نان ِ برنجین اعلا

کوچه لرین آوروپا !

باقلوانین شهری سن!

دهخدانین شهری سن!

عُبید سَن دَه یاشاییب

سَنی چوخ آلقیشلاییب !

وَطنَه دلدادَه دیر

عارفین آزادَه دیر!

اؤزؤمؤن وار،شرابین

دؤنیا :دَلی،خرابین!

شازدَه حسین سَراسی

اؤرَکلرین ماواسی !

سئویندیریرآدامی

قَجَرلرین حامامی !

سبزَه میداندا بوتون

پاریلداییر چلستون !

گئتمَمیشَم بیرایل دیر

مَغلواکین قیزیل دیر !

مست اولوب باخماز جاما

خیّام گلسَه خیّاما !

دَیَروئریبدیر سَنَه

گؤزَل سَعدالسّلطنَه !

دربکوشکون قدیمی

آداملارین صمیمی !

سئودیم شهرآراسینی

تهران دروازاسینی !

مولوی،هریانینی

سپه خیابانینی !

تاکستانی،الوندی

ضیاآباد،تاکندی !

قزوین، ای عشق دایاغی!

عاشیغلارین اوجاغی،

ای دونیانین باهاری !

قوناغلارین دیاری!

اومورام ساغ قالاسان

لاپ ایستی،داغ قالاسان !

ساوادسیزدی،ولی وار ادّعاسی          

  یالان دیر دکتراسی

بیلیر بو نکته نی اؤغلو،آناسی                    

 یالان دیر دکتراسی

اونو تعریف ائدیر آلچاق آداملار         

 دلی – دیوانه،خاملار 
زهیر دیر شربتی،آب بقاسی         

  یالان دیر دکتراسی 

یازوبدور اوردا ،بوردا بش مقاله                  

اولوبدور استحاله 
« فُرویدون» اوغلودور،چوخدور باهاسی      

یالان دیر دکتراسی 

ادب دونیاسینا بیگانه دیر او             

دئمه فرزانه دیر او
غزل یازسؤن دئییر شعرحماسی

  یالان دیر دکتراسی 

اگرچه چوخ پیس اخلاقی سَرین دیر 

باخیشلاری درین دیر
هم اؤز یانیندا استاددیر اساسی 

یالان دیر دکتراسی 

سئور،سؤزلر ایچینده اؤز سؤزونو 

هی آلقیشلار اؤزونو

یالانچی دکترین اولماز شفاسی         

یالان دیر دکتراسی 

یازیق دکتر فقط یانلیش دالیندا    

 بئکار دیر ایش دالیندا 
گؤزو دار اینسانین یوخدور صفاسی   

یالان دیر دکتراسی 

بوراخ بس دیر «کل اوغلان» چوخ دانیشما

دئمَه هجوی،چالیمشا 

چیخارتما لطفاً اگنیندَن لباسی  

یالان دیر دکتراسی                                        

آغ ائششک ده پالان وار !

پالانینی آلان وار !

آغ ساققالین دیلینده
قالاق قالاق یالان وار  !

یا پیشمیشام من سنه !
دیر وئریبسن منه !
بیلیر سن ای سیا ست !
سن اینک سن،من کنه!!

یئره دگدین آی دئمه !

خیابانا زای دئمه !

قیمتلری گؤزنده

آغلاما ،آخ – وای دئمه !!

محّبت،سئوگى،انسانلیق یاساق دیر
عدالت بوردا بیر سؤنموش اوجاق دیر
چاتا بیلمز اَلیم ایستک لریمه
چوْلاق دیر ائششه ییم،منزل اوزاق دیر

قادر آلله سئل آپاریب هریانی

فرهاد شیرین،شیرین فرهاد اولوبدور

قاریشیبدیرار-آروادین آراسی

آرواد کیشی،کیشی ،آرواد اولوبدور

انسان اوغلو تعظیم ائدیرانسانا

وئریبدیر نوختاسین اوشاق-آروادا

تانیش اولوب کیشی،آرواد هر یادا

مملکتین ایشی برباد اولوبدور

قوران کیلاسینا دای گئتمیر اوشاق

اوشاق بوغدا اولوب،اؤیرتمن اوراق

آق قارادیر،دؤز باخاسان  قار اآق

قوران اؤیرتمنی شیّاد اولوبدور

ایشیق کیمین بیزلره ساچدی گئتدی

باش توولاییب نوختاسین آچدی گئتدی

«کل اوغلانین» ائششگی قاچدی گئتدی

عرعرائدیر چونکی آزاد اولوبدور

قشون قاطار ائیله دی

آتی ، اوچار ائیله دی 

کمین ووردو مارالا

سیچان شیکار ائیله دی

سن گئدینجه ایتدی شعر

لاپ محو اولدو،گئتدی شعر

گؤزومده یاش قورودو

قلم دوشدو،بیتدی شعر