‏مئشه کیمین،باغ کیمین

یاش،قورو یارپاق کیمین

 اود توتوب سَن سیز یانیر

کؤنلوم قاراداغ کیمین

Meşə kimin, bağ kimin

Yaş, quru yarpaq kimin

Od tutub sənsiz, yanır 

Könlüm Qaradağ kimin

لک لکی لک لک دوغار

اینکی اینک دوغار

کیشی ائششک اولاندا

آروادی ائششک دوغار

‏ایسته‌مه غمله گلیم

گؤزوم یاش،نمله گلیم

قوجاغین لاپ قیزیشدیر

بیر اؤپوش دمله گلیم

istəmə qəmlə gəlim

gözüm yaş, nəmlə gəlim

qucağın lap qızışdır

bir öpüş dəmlə gəlim

غم، کدَردَن دولموشوق

یارپاق کیمین سولموشوق

بیر شی باهالاشماییب

بیزلر اوجوز اولموشوق

qəm, kədərdən dolmuşuq

yarpaq kimin solmuşuq

bir şey bahalaşmayıb

bizlər ucuz olmuşuq

سئوگی‌نین دریاسیدیر

یونانین زورباسیدیر

فتح اولونماز اورگیم

بابکین قالاسی دیر. 

sevginin dəryasıdır, 

Yunanın zorbasıdır

fəth olunmaz ürəyim 

babəkin qalasıdır

دوغدولار دولدو دونیا
سارالیب،سولدو دونیا!
نفس چکه بیلمه ییر!
باساباس اولدو دونیا!

کیم دئییب، غمدن دولماز

سارالیب،اؤلوب،سولماز

سن توخسان،خبرین یوخ

آجین آندی آند اولماز

kim deiyb qəmdən dolmaz

saralıb,ölüb,solmaz. 

sən toxsan,xəbərin yox

acın andı and olmaz

گؤنّش ایشیق ساچمادی

قارانلیقلار قاچمادی

یار گَلمه دی قرارا

پنجره نی آچمادی

‏کسیلیب صبریم،دیلیم

چوخدور دردیم،نیسگیلیم

عؤمور کئچدی،گلمه‌دی 

قیزیل ساچلی سئوگیلیم

kəsilib səbrim,dilim

çox dor dərdim, nisgilim

ömür keçdi,gəlmədi, 

Qızıl saçlı sevgilim

هر کئچی ارکک اولماز

هر آدام دلقک اولماز

ساققال چوخالسا اوغلوم

یون اولار، پشمک اولماز